నాయకుడా..!
నాయకుడా..!
రచన : పైడాల రవీంద్రనాథ్
అమావాస్య అంధకారాన్ని చీల్చుకుంటూ రావయ్యా..
దశ-దిశల నీవై నిండు పున్నమివై రావయ్యా..
నిరంతర శ్రామికుడవే అలుపెరగని యోధుడవే...
పట్టువదలని విక్రమార్కుడవే భగీరథశ్చంద్రునివే...
రాత్రి- పగలు తేడా లేదు ఎండా-వానా తెలియలేదు..
సుత్తి దెబ్బలు తిన్న
రాతివోలే ఘన కీర్తిని బొందెదవే...
మెరిసే తారలు
ఎక్కిరించినా నీ చిరునవ్వు తొణకదుగా...
ప్రజా క్షేమమే నీ ధ్యేయమై .. ముందడుగేయు నాయకుడా..!
అమావాస్య అంధకారాన్ని చీల్చుకుంటూ రావయ్యా..
దశ-దిశల నీవై నిండు పున్నమివై రావయ్యా..
కరువు రక్కసి కోరల్ని పీకివేయనడుగేసినావు..
నదులానుసంధానమే లక్ష్యంగా చేసుకున్నావు..
తాగునీరు-సాగునీరంటూ ప్రాజెక్టులెన్నో చేబట్టినావు..
వరుణుడు కరుణించకున్నా కొంచెమైనా తొణకకున్నావు..
పేదరికం వెన్నాడుతున్నా జంకులేక నిలబడుతున్నావు..
ధైర్యమే నీ ఆయుధమా ..! మనోబలమే నీ సంపదా..!
ప్రజా క్షేమమే నీ ధ్యేయమై.. ముందడుగేయు నాయకుడా..!
అమావాస్య అంధకారాన్ని చీల్చుకుంటూ రావయ్యా..
దశ-దిశల నీవై నిండు పున్నమివై రావయ్యా..
తెలుగు ప్రదేశ కీర్తిని నలువైపులా విస్తరిస్తున్నావు..
తెలుగోడి గుండె గూటిలో దేదీప్యమై వెలుగొందుతున్నావు..
భరతమాత ముద్దుబిడ్డవై వేనోళ్ళ కొనియాడబడుతున్నావు..
దేశ-దేశాలలో తిరుగాడుతూ తెలుగు
వన్నె చూపిస్తున్నావు..
ఎన్నో ఆటుపోటులకు నీదైన
శైలిలో జవాబిస్తున్నావు..
ధైర్యమే నీ ఆయుధమా..! మనోబలమే నీ సంపదా..!
ప్రజా క్షేమమే నీ ధ్యేయమై.. ముందడుగేయు నాయకుడా..!
అమావాస్య అంధకారాన్ని చీల్చుకుంటూ
రావయ్యా..
దశ-దిశల నీవై
నిండు పున్నమివై రావయ్యా..
Comments
Post a Comment